أهلي يقولـون عنـي (بنـت زنّانـه)

يالساهرة طال فينـا الليـل وأسهرتـك
جعلني الموت لين الحيـن سهرانـه !
نسيت نفسـي بصوتـك ثـم تذكرتـك
وإنتي بعد ماعليك خـلاف .. نسيانـه

لا قلت : أخليك ؟ قلتي : ليش أخرّتك ؟
خلك حبيبي معـي مـن جـد ولهانـه
وإن قلت لك : زين خلّصتي مذاكرتك ؟
قلتي لي : بليز مالـي خلـق طفشانـه

الظاهـر إن هذرتـي زادت وكدرتـك
أهلي يقولـون عنـي (بنـت زنّانـه)
قلت : إهذري وإملي عروقي بثرثرتـك
هذا هو الموت نبـرة (بنـت نعسانـه)

تدرين ؟ يامـا علـى نفسـي تكاثرتـك
ماكنت باقـول بـس الحيـن خربانـه
ياحلوتـي قبـل أعرفـك ماتصورتـك
كنتي لـي المستحيـل بهيئـة إنسانـة

حتى قبل ما أعرفك في البال حضّرتك
ركزت ثم قلـت : لا لا تشبـه فلانـه
أحس من كثر ما حاولت جرجرتـك ..
للواقع .. الله وهبنـي إيـاك سبحانـه

كنتي سجينة خيـال وجيـت حررتـك
وأصبحت أسيرك وصرتي اليوم سجّانه
من قبـل ترتيبـك لمـا بعـد بعثرتـك
يالمترفة وأشهد إنـك صـدق فسقانـه

فيـك المزايـا مـن أولتـك لآخرتـك
يا أطول قصيره ويا أنحف بنت مليانـه
في كل ذرة بجسمـي قمـت بعثرتـك
لين أصبحـت كـل ذرة فيـك هيمانـه

شربتـك البارحـة فتـنـة وكثـرتـك
شوفي عروقي بحسنك كيـف سكرانـه
إلا تعالي .. متى تبـدأ محاضرتـك ؟؟
طيب أخليـك .. شكلـك جـد تعبانـة

الشاعر /محمد عويضه

تحياتي .... شهيناز

ينطيكي ربي الف عافية

صح لسانكي

قصيدة جدا جميلة

وكلمات حلوة

طيووووفة

ينطيكي ربي الف عافية

صح لسانكي

قصيدة جدا جميلة

وكلمات حلوة

تحياتي

عاشق الحسين

مروركم العطر .. فواح بريح التقوى

لكم الشكر الجزيل

تسلم ايديكم

تحياتي .... شهيناز