ماتت وهي تنتظر ولدها ( قصة حقيقية حدثت في كرنيش القطيف )

بسم الله الرحمن الرحيم

فيه اثنين شباب راحوا البحر جلسو على الشاطئ ومعاهم عشاهم وهم جالسين
يتعشون جتهم عجوز كبيره في السن وقعدت تلقط الأكل المنثور على الأرض وتأكل
ولما شافوها قالولها أنتي جوعانة قالت أنا هنا من الصبح وماأكلت شئ جابني
ولدي من الصبح وراح وخلاني وقالي راح أجي آخذك بعد شوي.المهم جابوا لها
عشاء وتعشت وبعد ما تأخر الوقت شالوا أغراضهم وحسوا الشباب إن الوقت متأخر
والجو بدا يبرد ومايصير يتركون العجوز على الشاطئ لحالها في الليل وجاء
واحد من الشباب وقال لها عندك رقم ولدك نتصل عليه نخليه يجي آخذك .
قالت العجوز إيه معي الرقم في ورقه . ولما طلعت الورقه . ايش تتوقعوا مكتوب فيها
؟؟؟؟؟ مكتوب ( من يجد هذه المرأه يآخذها لدار العجزه)
انصعقوا الشباب من المكتوب في الورقة وجلسوا ساعة يترجون العجوز تمشي معاهم.
ويحاولون فيها إنهم
يوصلوها أي مكان هي تبيه أكيد العجوز رفضت أنها تروح معاهم لأن ولدها
وعدها إنه يجي يأخذها وتبي تستناه لما يجي.
وكانت تقول ولدي راح يجي يآخذني وأنا راح استناه > >
ماتدري المسكينه إن ولدها تنكر لها ورماها في الوقت
الي هي فيه محتاجه له .
المهم راحوا الشباب عنها وأتركوها على أمل إن ولدها راح
يجي يآخذها حسب وعده لها. فيه واحد من الشباب قعد يتقلب في الفراش وماقدر
يرقد يفكر في مصير العجوز المسكينه وقام من فراشه وغير ملابسه وركب سيارته
وراح للشاطئ. ولما وصل. شاف الاسعاف والشرطة والناس مجتمعين ودخل بينهم
شاف العجوز قد فارقت الحياه ولما سألهم عن سبب وفاه العجوز قالو له أرتفع
معها الضغط وماتت. ماتت من خوفها على ولدها يمكن يكون صار له شئ!!!!.
ماتت وهي تستنا ولدها يجي يآخذها.
ماتت وهي بعيده عن أهلها. الله يرحمها برحمته

الله يدفع البلاء عنا وعن المؤمنين والناس أجمعين

هذا شيطان مو بشر والا الولد اللي يرمي أمه ويش يكون
غير ابليس رجيم الأم اللي ربت وتعبت وكبرت ترمى بهالطريقه
الله يرحمها برحمته الواسعه ويراوي ولدها نار الأم من جنتها
وكما تدين تدان الدنيا دواره يوم لك ويوم عليك

منقول اخوكم عاشق الحسين

في هالزمن كل شيء يصير

لا حولة ولا قوة الا بالله العلي العظيم

ان لله وان اليه راجعون

يعني ولد الناس احن منه على امه

بشـــــــــــــــــــــ اذية ــــــــــــــر

حسبي الله ونعم الوكيل

الله يجعلنا من البارين بوالدينا والذين وفوا عهود البر معهم

ويغفر لنا اخطائنا ويعفوا عنا ذنوبنا

يعطيك ربي الف عافية

مشكور اخي على ماتقدمه

تحياتي ..,.. شهيناز

يااااااااااااااااي

مسكينه الله ياخذه الخايس ههه

والله تكسر الخاطر ودي اخذها

اجيبها بيتنا مسكينه مايدري ان الجنه

تحت اقدام الامهات الله يعذبه دنيا واخره

مشكور اخوي ع الطرح الرووعه

تسلم يمناك ع النقل السليم

دمت لمنتدانا وادامك الله لوالديك

وادامني لوالدي وادمكم لوالديكم

وادامكان لوالديكن وادام الجميع لوالديهم

هههههههه طووولتها هههه

تقبل خالص حبي واحترامي

طيوووفه القمووره

يعطيكم العافية اخواتي على مروركم الكريم

الله يوفقنا نحن وانتم في بر ابائنا وأمهاتنا

تحياتي عاشق الحسين