أسئلة ترفع الضغط‎ بجد ترفع الضغط

أسئله ترفع الضغط

مثل:-

انت الحين بغرفتك منسدح بفراشك ومطفي النور فجأه يخش عليك
اخوك او اختك ويفتح الباب ويقولك بتنام ؟!! (لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس)
-----------
انت الحين بالمقهى صدفه شفت واحد من الربع او الاهل .. قالك هاا شتسوي هنا !!
(ابيع مويه) !! لا تعليق
--------------------
لا وتعالو شوفو قنواتنا العجيبه اهما واسئلتهم !!

مثلا بالعيد بيقابلوا واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- اش تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( لا بيقول لهم : منه المال ومنها العيال))

يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو الاطفال , , ,

يقول المذيع للطفل :- أنت تحب ماما وبابا ! ! !

(( لا احبك إنت ووجهك)) سؤال غبي الصراحه !!

----------------
برنامج مسابقات على الهوا :-

المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زود الأتكيت يعني)
--------------------

يعني اسئله غبيه مثل هالاسئله ماشفت

يالله في أمان الله والله يحفظك من الأغبياء!

لحظة نسيت أسألك: قاعد تقرا الموضوعي ألحين؟؟

ج: لا قاعد أحك راسي خخخخخ

تقبل تحيات اليث الخطير

فعلا بعض الأسئلة ترفع الضغط

ومالها داعي اصلا

سلمت يداك

تقبل اطلالتي البسيطة

تحيااااااااااتي

اشكرك ياغالي على جمال ردك

تسلم يديك يالله

اخوك اليث الخطير

ههههههههههههههههههههههههههههههههههه

يسعدك ربي في الدنيا والاخرة

يعطيك العافية عالطرح المسلي

اسمحوا لي بهالمداخلة ...

صحيح اسئلة مالها داعي لكن الشخص في طرح مثل هالاسئلة يحاول يلطف الجو شوي << يعني يمكن يفتح موضوع بهالسؤال مو غباء منه

لك الشكر الجزيل عالطرح ..

تقبل مروري

اشكرركي بحيل على التدخل الجميل

بس خلي نفسكي في هذا المكان وكنتي بتروحي المطبخ

وتقولكي اختكي بتروحي المطبخ لا اجل بروح السوق

الله يحفظكي يالله

اشكرك عيني