أشيــــــــــــاء بسيطه تخليك قمـــــــــــــــــــر

شفت موضوع عجبني ونقلته لكم
أشيــــــــــــاء بسيطه تخليك قمـــــــــــــــــــر X40

1) عند غسل الشعر بالشامبو اقلبي راسك لاسفل واقلبي شعرك للامام وادعكية بينشط الدورة الدموية للشعر وبالتالي يمنع سقوطة

2) زبدة الكاكاو لدهن كعوب القدم ( اللي بنستخدمها للشفايف ) بتخلي الكعوب تحفة ادهنيها بالليل والبسي شراب وشوفى النتيجة الصبح

3) وانتي على الكرسي وقاعدة قدام الكمبيوتر قومي واقعدي 5 دقايق بتتخلصي من الارداف والشحوم المتركزة في هذة المنطقة

4) اغسلي وشك بالصابونة واتركى الرغوة وضعي اربع نقاط معجون اسنان على الرغوة وادعكي وشك وبعدين اشطفية هتتصدمي قومي جربي وارجعي ردي تفتيح انعاش لون وردي وهتلاقي البشرة بتتنفس

5) وانتي فى المصيف التراب الموجود تحت الماء على الشط خدي شوية وادعكي سنانك هتبرق تماما ولو دعكتي وشك كل الخلايا الميتة هتروح من الاملاح الموجودة في التراب

6) للمعان الشعر قبل السشوار اشطفي شعرك اخر شطفة بالماء المضاف الية الشاي المغلي بعد تبريدة واتفرجي وادعيلي

7) دايما اشفطي بطنك للداخل كل ما تفتكري شهر وبطنك هتختفي احسن من اي تمرين الشفط بيقوي عضلات البطن حتى مع الحمل والولادة

Cool

وضع ماء الورد المخصص للشرب على ماء الشرب العادي بيورد كل بشرة الوجة والجسم وينظف الجسم ايضا من الداخل ودي وصفة الايرانيات هتلاقيهم بشرتهم تحفة من مية الورد

9) اخلطي كريم الاساس فى كف يدك مع كريم مرطب واقفلي اليد الاخرى واخلطيهم مع بعض وضعيهم على الوجة يمنع تكتل كريم الاساس وهيديكي لمعة تحفة ويمنعة من التشقق مع الوقت الطويل ولا اغلى ماركة

10) اغلي نصف فنجان ماء مع كركدية واخلطى المية بعد الغلي مع فازلين وادهني شفايفك كل يوم بالليل اسبوع شفايفك بتبقي وردي طبيعى لمدة شهر

11) شرش الجبن ( او الماء اللى بيكون فى علبة الجبنة ) حطية فى زجاجة وادهنى وشك منة مرتين فى اليوم وادعيلي تفتيح وترطيب وازالة البقع والنمش

12) ضعي طلاء الا ظافر فى الثلاجة قبل وضعة هينشف بسرعة ويتحط بسرعة ( من اسراري)

13) عضتك نموسة او حبة فجاة وعندك خروجة بسرعة حطي عليها اى نوع من قطرة العين وادعيلي اوعوا تنسوا

14) خايفة على الشراب النايلون من القطع اغسلي رجلك ببلسم الشعر واشطفي رجلك بتصير ناعمة موت حتى لو مش هتلبسي شراب ( من اسراري )

15) مزيل الماكياج خلص استخدمى الزبادي لازالة الماكياج ومنة ماسك سريع هتتصدمي من النتيجة

16) قشر الرمان نشفية فى البلكونة كويس ودقية واطحنية بودرة وضعية تحت الابط لمدة اربع ايام رائحة العرق بتختفي

تحياتي لكم
ام عباااادي