كتبت هذه القصيدة واسمها : ( كافي ارهاب ) .

مجرم بالطبع وعقله فاقده ورشــــــــــده
وعنده من يتغنه بيه وبأعماله ويمجــــده
مثل صدام والعوجه واهل تكريـــــــــت
من ركصو اله وصفكوله بقوه وبحــــده

يظهر للبشر انسان وابليس مثله وجــان
الف وجي عنده وحراسه فوكه وتسنــده
اسمه مسلم وفاجره اعماله ليل نهــــــار
والدليل الذهب بالموصل شعنـــــــــــده

مو كل شي نكوله ولاكل شي هم ينكال
ولكن الباطل ابد مانسكت عنه ونـــرده
تصدر للعراق ارهاب ماتخاف من الله
وين تروح من ربك وانت يوميه تتعده

العراق اهل الشرف والغيره والنوماس
وانتم بالخزي كصصكم بالعرك تنـــده
باجر يصير حساب من الله وين تروح
شرك تشوفه بيا وجي تحصــــــــــــده

ربك علمك ان الدين دين اللــــــــــــــه
من يتبع نبيه واله ولله يصلي ويعبــــده
ماكلك الباري صدر للعراق ارهــــاب
ولاكلك رسول الله للجيران تتصــــــده

حرفتو دين الله والقــــــــــــــــــــــران
وصدرتو الفتاوي من اجل رغـــــــــده
لادين وديانه عدكم لااصل لاتأريــــــخ
ضميرك للرذيله ليش مخدره معــــوده

جدام الدول تظهرون بالخيريــــــــــــن
واليصلي منكم يسجد لله الف سجـــــــده
جذب هذا ونفاق وحسابه ضعف يكـون
وهذا من سوء الاماراتي وحظه وكـرده

ضحكتو عالشعب ورفعتو سيف الموت
ركصتو اليوله والعياله والرزفه عالمده
وزعتو الجوائز والصدر مملي احقـــاد
مقاصد عدكم واهداف متعمــــــــــــــده

سلطه وحكم وفلوس النفط بالمليــــــان
وتوالي الليل غلمان وجواري تنشــــده
بعد ياشعب هذا يحترم ياديــــــــــــــن
ويسبح بالخمر غركان شيكعـــــــــــده

من هذا ترجه حاكم عليك يصيـــــــــر
من هذا فضيله ترجه منه تتبـــــــــــده
من هذا عمل خير تريد للانســـــــــان
وهذا لو بيده علي وعليك الهوه يســده

من يرسل ارهابيين للبلدان شتسميـــه
ويشارك بالجريمة بالفلم وحـــــــــــده
شتكول انت عليه وتسميه يامحفــــوظ
لو بيه تمجد وترفع من شأنه وعهـــده

عدنه مو دليل الآف من افــــــــــــلام
بيهه معترف كل ارهابي من هــــــده
احنه نحترم كل جيران العراق اليــوم
ولكن جيران العراق مايدرون مو كده

كافي ارهاب وكافي ارهابييـــــــــــــن
والجيران لازم يحترم جيرانه من مـده
لان احنه عرب واخوه واهل واحبـاب
كافي ندعم الارهاب بقوه وبشـــــــــده

لان النبي وصه بجاره واهل الــــــدار
ماكال النبي لجيرانك فخخه وقصــــده
والمايأخذ وصية نبيه وشكله للانسـان
والله بنار الاخره يشتعل جد جــــــــده

سيد احمد العباسي

مشكوره يالغاليه
ينطيك ربي الف عافيه
ع الطرح الجميل
تسلم يمناك قبل يسراك
دمتي بكل ود واحترام

مشكورين على المرور
ربي يـ ع ـطيكم الـ ـافيه