رشوش امطيريه للشعر

بسم الله الرحمن الرحيم

حبيباتى الغاليات

شلونكم عساكم بخير وعافيه
الكل عارف ان جمال المراه في شعرها
واهتمامها فيه يدل على انوثتها ونعومتها ورقتها
ومن ضمن اهتماماتى وبحثي عن الشيء الطيب
احب ابشركم اخيرا تم بحمد الله تطوير

رشوش الشعر

ومثل ماهو معروف عند اغلبيه الحريم الكبار
وقليل من بنات هالجيل
والمعروف عن الرشوش فوائده كثيره
لان مكوناته مفيده للشعر
يقضي على القشره ويقوي الشعر ويعطيه لمعه ويعطيه ريحه طيبه وخنينه

حريم اول شعورهم حلوه ليش ؟؟؟

لانهم مهتمين بهذى الامور
تحط حنه وتغسل شعرها بالسدر
وتطيبه وتغذيه بالرشوش الزين
وتحط الخمريه اللى تهفهف بختلاف انواعها سواء زعفران او خلطات عربيه
واكلها صحي ومفيد تمر حليب لبن قمح والسمن الاصلي
بالذمه هالحين شنو قاعدين ناكل ؟؟؟
خلوووووووووووووها على الله بس
نحاول نصلح ما افسده الدهر ونتلاحق على بناتنا

واليوم وبكل فخر اقدم لكم

رشوش المطيريه

سويت بحث عند الحريم الكبار بالسعوديه والكويت والامارات تعلمت منهم اصول الرشوش وطريقة الاصليه
وانا سويت اضافات عليه بحيث اخلي بصمتى عليه
وطبعا خلطتى سريه بس للامانه انها خلطه طبيعيه مئه بالميه

وطريقه الاستعمال
بعد الاستحمام وشعرج مبلول
تاخذين مقدار (2ملعقه ) من بودره الرشوش
وتحطين عليهم 7 ملاعق ماي دافي

وتخلطينهم عدل وتاخذين بيدج وتحطينه على شعرج
كله من القمه الين الاطراف
وتتركينه مثل ما تحبيبن من ربع ساعه الى نص نهار يعنى يعتمد عليج اذا حاب انه يتفاعل مع الشعر
وعقب ما تخلصين تغسلين شعرج بالماي بدون شامبو واذا انتى شعرج جاف وخشن تقدرين تحطين بلسم
لان السدر ينشف الشعر
وبعدين تحطين خلطه الزيوت الطبيعيه مع اشويه مساج لفروة الراس والرقبه من الخلف
وبكل حنيه لان الشعر يحس بالايد اللى تراعيه
وتتركينها لمده ساعه
وعقب تغسلينها بالشامبو واشويه بلسم على الاطراف

وعقب لما تنشفين شعرج بالفوطه تمشطين شعرج تاخذين من الخمريه
وتحطين كم نقطه على ايدج وتمسحين فيها شعرج ولا تحوشين القمه
يعنى بس الاطراف وامسحي الباقي منها على رقبتج وكتوفج
وشوفي الشعررررررر شلون يصيرررررررر
واذا حابه تدلعين عمرج اكثر بخري شعرج بكسره بخورة من الطيب
والنتيجــــــــــــــــــــــــــــــــة

نظافــــه لمعـــــه ريحـــــــه وصحــــه وقـــــوة وطـــول

هذا تسوين مره بالاسبوع وصدقونى راح تحسون بالفرق

والحين الكل عارف صيف وحر وعرق وخنقه الشعر من الحجاب
فروة الراس والشعر لا بد من الاعتناء فيها

بسئلكم حبيباتى لما تروحون الصالون ما تتضايقون من ريحه الشعر لما يسون ستشوار البنات ؟
ماتشمون ريحه عطبه وريحه خايسه ؟؟؟؟؟؟؟
اللى خشمها شغال اكيد بتقول إإإإإإإإإإإإإإإإإإإإإإإإإإإإإإإإإإإإإإي

لما تسوين كورس المطيريه راح تشوفين الفرق
من اول استعمال واذا سويتى شعرج ستشوار ما تطلع الا الريحه الطيبه

الكورس عباره عن
( الرشوش + الزيت + خمريه )

الاعشاب اشتريها من السعوديه واوصي ناس رايحيين اليمن لباقي الاعشاب
اتمنى افيدكم قبل ما ابيعكم وربي شاهد
انا اسويه على الطلب اللى حابه اسوي لها تبلغنى علشان اخلطه فرش
يعنى ماعندي شيء عتيج وبايت
وعلي حسب طول شعر البنت
وكميته تخلف من شعر لشعر

وحابه من كل ام تهتم بشعر بنتها تسوي لشعرها لان الصيف حر وخيسه وعرق
وتراكمات الدهن على فروة الشعر تسوي بوخه خايسه
لاتقولين انا اسبحها واحط لها الشامبو المناسب ما يكفي صدقينى
حطي لها مثل ما حطوا امهاتنا وجداتنا

وياريت اللى يجربون هذا الكورس يعلمونى بنتايج وشنو لاحظت على شعرها

وبصور لكم بكره صوره طلبيه حق وحده من الحبايب
علشان تشوفونها وتعرفون عن شنو اتكلم

بنسبه لي معندي خلفيه عن الموضوعات الي تخصكم

هدي اشياء تخصكم والله يحفظكم

احب اشكركي على متقدميه من المضوعات القيمه والجميله

والله يسلم يديكي يالله

جزاك الله خير
على توصلك وردودك لي
وانت الي منور موضيعي
بتوصلك الجميل

مشكوووووووووووووووووووره حبيبتي نسمه