قصيده ليوم الغدير

الف مبروك لعلي اصبح امير -------- وبامر طه تنصب بالغدير

*****************************************

الملك جبريل جابه بالعجل ---------- يانبي بلغ بسرعه مانزل

ربك يعصمك يطه من الزلل -------- ومن جميع الناس الك نعم النصير

*********************

طه كال اليوم انصبو مرتفع -------- وكام يعلنهه بصراحه عله الجمع

وجف علي ليفوك والعالي رفع ----- هذا بعدي وبامر الله امير

*********************

من كنت مولاه هذا اصبح ولي ------ وانه من بعدي خليفتكم علي

وهالامر من السمه واضح جلي ------ امر رباني فرض لازم يصير

**********************

وظل يكررهه النبي عله المله -------- مثل هارون وي موسى المنزله

ربي اخذل من اراد اليخذله --------- وانصر اللي من صفه لحيدر نصير

**********************

كامت الاصحاب كلهه وبايعت -------- لجن من مات النبي كلهه انكرت

مابقت قله قليله اللي صفت --------- فقط اصحاب المبادئ والضمير

***********************

وينه ذاك الكال بخ لك بخ ------------- بالعجل بالدين سواله شدخ

بوحدة الاسلام احدثله شرخ ---------- شنهو عذره من النبي وشنهو المصير

***********************

ياعلي نبقه نصيح وللابد ----------- هالنفس بينه نزل وشما صعد

جيفن انته الروح تبقه من الجسد ---- بلايه روح الجسد مامكن يصير

***********************

ياعلي جينه نجدد بيعتك --------- بالكللب مغروسه والله محبتك

فرض واجب بالكتاب ولايتك ---- واضحه عند الزغير وي الجبير

***********************

ياعلي حبك رضعنه بالمهد ------ ياحلاته الله واحله من الشهد

ياعلي وياك خطينه العهد ------- شيعتك وعله الدرب نبقه نسير

***********************

ياعلي امر الولايه اتسلمت ------ والامامه تاج بيهه اتوسمت

ياعلي من الجليل اتقدمت ------- اول انته شلون خلوك الاخير

***********************

اول انته دوم تبقه ياعلي ------- وياعلي بهاليوم صرت النه ولي

واهدعش معصوم من بعدك يلي – اثبتو وياك من يوم الغدير

*******************************************

ونسالكم الدعاااااااااااااااااااااااااااء

((اللهم ثبتنا على ولاية امام المتقين وسيد الوصيين علي بن ابي طالب عليه افضل التحية والسلام))

مبارك عليكم عيد الولاية .. وكل عام وانتم بخير

يعطيك ربي الف عافية اخي الكريم

وجزاك الله خير الجزاء

تقبل مروري

ربي ثابتنه على ولاية امير المؤمنين

يالله يالله يالله

تسلم ياغالي على هذا الشعر الجميل

تقبل امنياتي